Coileach agus Sionnach (Scotland)

Transcript

Annie Johnstone

Barra

S.S.S. Notebook

I.XXX.1

Bha siud ann reimheid coileach spaideail, agus chaidh a (a') straid la'

dhana lathaichean. Suil gu'n dug a as a dheoghaidh, chunncas a' mada

ruadh a' tigh'nn 'n a chabhaig air a shail. Nuair a chunnaig a' coileach

seo, luathraich a a chas, agus dh'éibh a' mada ruadh, "Nach ann ort a tha

(a') chabhag! Nach fuirich thu chuir failte air do chàirdean? Cha do

rinn an coileach dad air a shocair, ach dh'eibh a thar a ghuailleadh, "Tha

mi far a'n cuala mi càirdeas a bhith eadarainn."

"Dean thus' air do

shocair," ors a' mada ruadh, "agus innsidh mise dhut an dearbh-chàirdeas

a thà eadarainn:-

Is tusa Coileach Mac an Uighe,

Is mise Sionnach Mac an t-Sionnaich Bhuidhe,

Iar-ogha peathar is bràthar;

'S a ghaoil 's a ghràidh, deanamaid suidhe."

Nuair a chuala a' coileach gòrach spaideail cho cairdeach 's a bhà fhein

agus a' mada ruadh le cheile, shuidh a sios ri thaobh air a chnoc;

agus spad a' mada ruadh a.